Almaty oblysynda aýyldaǵy 18 otbasy úıli boldy
16:41, 01 Jeltoqsan 2019
TALDYQORǴAN. QazAqparat – Almaty oblysynda Kerbulaq aýdanynyń ortalyǵy Saryózek aýylynda 1 jeltoqsan - QR Tuńǵysh Prezıdenti kúninde 18 otbasy baspanaly boldy, dep habarlaıdy QazAqparat tilshisi.
Saryózek aýylynda «Nurly jer» baǵdarlamasy boıynsha salynǵan úıler baspana kezeginde turǵan 18 otbasyǵa berildi.
Qonys toıyn toılaǵandar qatarynda kópbalaly analar, ata-ana qamqorlyǵynsyz qalǵan balalar, aýyr naýqasqa shaldyqqan nemese múgedek bala tárbıelep otyrǵan januıalar, tolyq emes otbasylar jáne taǵy basqa sanattaǵy turǵyndar bar.
Esterińizge salsaq, Kerbulaq aýdanynda buǵan deıin «Nurly jer» baǵdarlamasy aıasynda az qamtylǵan 20 otbasyǵa baspana satyp alynyp berilgen bolatyn.
Aıta keteıik, buǵan deıin QR Tuńǵysh Prezıdenti kúnine oraı Almaty oblysynyń Kóksý, Alakól aýdandarynda da páter kiltteri tapsyrylǵan bolatyn.