Almaty oblysynda aýyl sharýashlyǵy salasynda bıyl 6 aıda 70 mlrd. teńgeniń ónimi óndirildi – Ańsar Musahanov
Keshe Almaty oblysynyń Asy jaılaýynda Elbasynyń qatysýymen ótken oblystyń Eńbekshiqazaq jáne Talǵar aýdandary malshylarynyń sletinde oblys ákimi Ańsar Musahanov osyndaı málimetterdi keltirdi.
"Almaty oblysynda ótken jyly aýyl sharýashylyǵynyń jalpy ónimi 228 mıllıard teńgeni qurady. Bul 2009 jylmen salystyrǵanda 2,4 paıyzǵa joǵary. Al ústimizdiń jyldyń 6 aıynda 70 mıllıard teńgeniń ónimi óndirildi. Bul ótken jyldyń sáıkes merzimimen salystyrǵanda 2 mıllıard teńgege artyq", - dedi Ańsar Musahanov.
Onyń aıtýynsha, oblys aýmaǵynda aýyl sharýashylyǵy ónimderin óndirý jáne qaıta óńdeý jóninde respýblıkalyq óńirlik karta boıynsha ınvestıtsııalyq jobalar sátti júzege asyrylýda. Solardyń biri - Sheńgeldi alqabyndaǵy tamshylatyp sýarý tehnologııasyn qoldana otyryp kókenis jáne jemis óndirý jónindegi joba. Onda 2014 jylǵa deıin tamshylatyp sýǵarý tehnologııasyn qoldana otyryp 1400 gektar jer ıgeriledi. Sonymen qatar 13 myń tonnalyq jemis-jıdek, kókenis qoımasy jáne qyzanaq óńdeıtin óńdeý zaýyty salynady.