Almaty oblysynda aýyl saıabaǵyna Dinmuhamed Qonaevtyń esimi berilmek
18:52, 16 Sáýir 2023
ASTANA. QazAqparat – Almaty oblysyna qarasty Almalybaq aýylyndaǵy saıabaqqa Dinmuhamed Qonaevtyń esimi berilýi múmkin, dep habarlaıdy QazAqparat tilshisi.
«Umtyl aýyldyq okrýginiń Almalybaq aýyly halqynyń pikirin eskere otyryp jáne Almaty oblysynyń onomastıkalyq komıssııasynyń qorytyndysy negizinde Almalybaq aýylynda ornalasqan saıabaqqa Dinmuhamed Ahmetuly Qonaevtyń aty berilsin», - delingen eldi meken ákimi S. Úmbetálıevtiń «Ashyq» NQA portalynda jarııalanǵan sheshiminde.
Qujat 26 sáýirge deıin kópshilik talqylaýda bolady.
Qosa ketsek, buǵan deıin Almatynyń Jetisý aýdanynda jańa saıabaq boı kóteretinin habarlap edik. Sonymen qatar, byltyr Almatynyń shetki aýdandarynda alty saıabaq salynatyny málim boldy.