Almaty oblysynda áskerı bólim komandıri para alý kúdigine ilikti

NUR-SULTAN. QazAqparat - QR Qorǵanys mınıstrligi Desanttyq-shabýyldaýshy brıgada №32363 áskerı bóliminiń komandıri para alý kúdigimen ustaldy. Bul týraly onlaın brıfıng barysynda QR Sybaılas jemqorlyqqa qarsy is-qımyl agenttigi 1-shi departament basshysynyń orynbasary Danııar Aqýan aıtty, dep habarlaıdy QazAqparat tilshisi.

«Agenttiktiń jáne Ulttyq qaýipsizdik komıtetiniń Almaty oblystyq departamentteri QR Qorǵanys mınıstrligi Desanttyq-shabýyldaýshy brıgadasy №32363 áskerı bóliminiń komandıri men onyń tyl jónindegi orynbasaryn áshkereledi. Olar atalǵan áskerı bólimniń jeke quramyn tamaqtandyrý qyzmetin kórsetý kásipkerlik qyzmettijúzege asyrý barysyndaǵy jalpy qamqorlyqtary úshin JShS ókilinen 1 mln teńge para aldy degen kúdikke ilinip otyr», - dedi Danııar Aqýan.