Almaty oblysynda «Alataý arlany» anyqtaldy

QONAEV. QazAqparat - Almaty oblysynda jaýyryny jerge tımegen balýandar beldesýi ótti, dep habarlaıdy QazAqparat tilshisi.

«Alataý arlany» dep atalǵan bilektiler dodasy «Qazaqstan barysy» respýblıkalyq týrnırine joldamany sarapqa salý úshin uıymdastyrylǵan.

Qonaev qalasynyń ortalyq alańynda ótken týrnırge aımaqtyń túkpir-túkpirinen salmaǵy 90 keliden joǵary 28 balýan qatysty. Olardyń barlyǵy - óz óńirlerinde úzdik úshtikten kóringen sportshylar.

Aıta keteıik, alyptar saıysynyń ótýine Almaty oblysy dene shynyqtyrý jáne sport basqarmasy men buqaralyq-sporttyq is-sharalar ótkizý ortalyǵy muryndyq boldy.

Saǵattar boıy boz kilemde beldesken balýandar oblystyń darabozdaryn anyqtady.

Jarys qorytyndysyna keler bolsaq, qarsylastaryn tize búktirgen, «Alataý arlany» atanǵan Qonaev qalasynyń atynan boz kilemde beldesken Mádı Edilbaev altyn belbeýdiń ıesi atanyp, 5 000 000 teńge aqshalaı syılyqqa ıe boldy. Respýblıkalyq týrnıde Mádı Edilbaev Almaty oblysynyń namysyn qorǵaıtyn bolady.

Al Eńbekshiqazaq aýdanynyń atynan shyqqan balýan Nurǵalı Joltaev ekinshi oryn alsa, júldeli úshinshi orynǵa Balqash aýdanynan kelgen Álimjan Jumahmetov taban tiredi.