Almaty oblysynda 904 kóshe men 7 eldi mekenniń ataýyn ózgertý týraly usynys túsken
«Qazirgi tańda onomastıka komıssııasynyń qaraýyna 7 eldi meken men 904 kóshege ataý berý jáne olardy qaıta ataý týraly usynystar túsip otyr. Atalǵan usynystar halyq sanaǵyna baılanysty jarııalanǵan moratorıı merzimi aıaqtalǵannan keıin qaralatyn bolady», - dedi Almaty oblysynyń tilderdi damytý jónindegi basqarma basshysy Bolat Kerimbek.
Sonymen qatar, basqarma basshysy Almaty oblysy boıynsha ıdeologııalyq turǵydan eskirgen kóshe ataýlary boıynsha Qapshaǵaı qalasy birinshi orynda turǵanyn atap ótti. ıAǵnı, Qapshaǵaı qalasynda 198 kósheniń ataýy eskirgen. Ekinshi orynda Eńbekshiqazaq, úshinshi - Іle aýdany. Al Raıymbek, Uıǵyr jáne Alakól aýdandarynda mundaı olqylyqtar múldem joq.
Aıta keteıik, búgin Almaty oblystyq máslıhatynyń «din, til, etnosaralyq qatynastar, ishki jáne jastar saıasaty máseleleri» jáne «ındýstrııalyq-ınnovatsııalyq, kóliktik-logıstıkalyq damý, kishi jáne orta bıznesti, týrızm men sportty qoldaý máseleleri boıynsha» komıssııalarynyń birlesken otyrysy ótti. Basqosýda basqarma basshylary 10 aıda atqarylǵan jumystardy baıandap, aldaǵy josparlaryn ortaǵa saldy.