Almaty oblysynda 88 myń adam revaktsınatsııa kýrsynan ótti
Almaty oblysynda 12 jastan bastap turǵyndardy koronavırýstyq ınfektsııadan vaktsınatsııalaý jumystary jalǵasýda. Búgingi kúni óńir boıynsha 318 vaktsınatsııa pýnkti jáne 76 jyljymaly pýnkt jumys isteıdi. Sonymen qatar, oblys turǵyndary revaktsınatsııa kýrsyna belsendi qatysýda. Mysaly, 88 722 adam tolyq ımmýndaý kýrsynan ótken, olardyń arasynda Almaty oblysy sanıtarııalyq – epıdemıologııalyq baqylaý departamentiniń qyzmetkerleri de bar. Barlyq ujymnyń 75% - y ózderiniń ımmýnıtetin tolyq nyǵaıtty.
«Búgingi kúni oblysta vaktsınanyń birinshi dozasyn alǵandar sany 912 274 adamǵa jetti. Bul 76% – dy quraıdy, ekinshi komponentti-851 309 azamat nemese ımmýndaýǵa jatatyn eresek turǵyndardyń 71% -y aldy.
Qazirgi ýaqytta oblys turǵyndary tórt vırýsqa qarsy preparattan vaktsınatsııany tańdaı alady, olar: Gam-KOVID-VAK (Spýtnık V), «QazCovid-in«, «SinopharmVeroCell« jáne Comirnaty (Pfizer) jasóspirimderge, júkti, bala emizetin áıelderge, sondaı-aq 60 jastan asqan adamdarǵa arnalǵan»,-delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
Sonymen qatar, Almaty oblysynda jasóspirimder, júkti jáne bala emizetin áıelder arasynda vaktsınatsııa jumystary belsendi júrgizilýde. Oblysqa barlyǵy 380 250 doza Pfizer vaktsınasy kelip tústi. Búgingi tańda vaktsınatsııalanǵan halyq sany 57 287 adamdy quraıdy. Onyń ishinde 44 657 jasóspirim, 3316 júkti áıel jáne laktatsııa kezeńinde 8793 áıel.
Esterińizge sala keteıik, jasóspirimderdi vaktsınatsııalaý tek ata-analardyń nemese zańdy ókilderdiń kelisimimen júzege asyrylady.