Almaty oblysynda 86 ınvestıtsııalyq jobany júzege asyrý josparlanýda
Keminde 11 myńnan astam jumys orny ashylady, dep habarlaıdy QazAqparat tilshisi.
Bul jóninde oblys ákimi Amandyq Batalov halyqaralyq forýmda málim etti. Bıyl oblysta onyń 30-n iske qosý kózdelip otyr. Al ótken jyly óńirde 31 joba jumysyn bastap, 1765 jańa jumys orny ashylǵan bolatyn.
Sondaı-aq óńir basshysy óziniń baıandamasynda oblys boıynsha 24 kolledjge dýaldi oqytý júıesi engizilgenin málim etti. 37 mamandyq boıynsha myńnan asa stýdent bilimderin praktıka júzinde shyńdaıtyn bolady. Osy maqsatta oblystyń 123 kásiporynymen arnaıy kelisimshart jasalǵan.
Aıta ketý kerek, Taldyqorǵanda «Bilim.Bıznes.Kásip» atty І halyqaralyq forým uıymdastyryldy. Onda bilim berý salasynyń sarapshylary men kásipkerler bızneske qajetti kadrlar máselesin kóterip, oqý oryndarynyń suranysqa usynys jasaı almaı otyrǵanyn synǵa aldy.