Almaty oblysynda 5774 memlekettik qyzmetker testileýden ótedi
11:55, 01 Aqpan 2017
TALDYQORǴAN. QazAqparat - Búgin Almaty oblysynyń memlekettik qyzmetkerleri testileýden ótip jatyr. Bir kúnde 200 jýyq adam arnaıy synaq tapsyrady, dep habarlaıdy QazAqparat tilshisi.
Keshendi attestattaýdy alǵashqy bolyp «B» korpýsynyń basshylyq laýazymyndaǵy qyzmetkerler tapsyrady. Jeke quzyretterin baǵalaýǵa arnalǵan testileýden ótip jatqandar arasynda ortalyq memlekettik organdardyń aýmaqtyq departamentiniń basshylary, máslıhat apparatynyń basshylary, oblystyq tekserý komıssııasy apparatynyń basshysy, máslıhat apparaty basshysynyń orynbasary, Qazaqstan halqy Assambleıasy (hatshylyǵy) apparatynyń meńgerýshisi, oblys ákimi apparaty basshysynyń orynbasarlary, oblystyq basqarmalardyń basshylary, aýdan/qala ákimderiniń orynbasarlary bar.
Arnaıy testileý mamandandyrylǵan HQKO (avtotson) ǵımaratynda ótip jatyr.
Atalǵan attestattaý jumystary 2017 jyldyń І jartyjyldyǵynda tolyǵymen aıaqtalady.