Almaty oblysynda 5 myń iri qara malǵa arnalǵan bordaqylaý alańy salynyp jatyr

TALDYQORǴAN. QazAqparat - Almaty oblysynyń Aqsý aýdanynda iri joba júzege asyrylýda. «Panel SSistem.kz» kompanııasy Altynaryq aýylynda 5 myń iri qara malǵa arnalǵan bordaqylaý alańy men et óńdeý kesheniniń qurylysyn bastady, dep habarlaıdy QazAqparat tilshisi.

«Kásiporyn shujyq, súıek uny, buqtyrylǵan et, ystalǵan et ónimderin óndirýdi josparlap otyr. Nátıjesinde, 2022 jyldan bastap eksport kólemin 2,5 esege arttyrýǵa tolyq múmkindik bar. Sonymen qatar, bul kompanııa Sýyqsaı aýylynda almabaq ósirý, kókónis qoımasyn salýdy josparlap otyr. Osy maqsatta atalǵan aýyldarda jalpy 218 gektar jer berildi. Jalpy joba quny - 1 mlrd 800 mln teńge», - deıdi Aqsý aýdanynyń ákimi Esim Bazarhanov.

Aýdan ákiminiń aıtýynsha, Kóshkental, Kóltaban, Saǵakúres aýyldarynda jańa mektep salý josparlanyp otyr. Qazir úsh bilim berý mekemesiniń jobalyq-smetalyq qujatyna 30 mln teńge qarajat bólingen. Sondaı-aq, Qapal, Aqsý, Aqyn Sara aýyldaryndaǵy mádenıet úılerine aǵymdaǵy jóndeý júrgiziledi. Bul maqsatqa oblystyq bıýdjetten 73 mln teńge bólingen.