Almaty oblysynda 43 jastaǵy er adam as qasyqty ádeıi jutqan

QONAEV. QazAqparat - Qonaev qalasynyń qalalyq kópbeıindi aýrýhanasynda hırýrg dárigerler 43 jastaǵy er adamnyń asqazanynan as qasyq alyp shyqty, dep habarlaıdy QazAqparat DSM baspasóz qyzmetine silteme jasap.

Hırýrg dáriger Tahır Zakıruly Shúkirálıevtiń aıtýynsha, mundaı jaǵdaılarda dıagnostıka rentgenografııalyq qaraýǵa, endoskopııalyq zertteýge negizdeledi.

Emdeý kezinde kútý tásili qoldanylýy múmkin, biraq bul jaǵdaıda bógde zat endoskopııalyq jolmen alynyp tastaldy.

«Ýaqtyly dıagnoz qoıylmaǵan jaǵdaıda qabyný protsesi, bógde zattyń aınalasyndaǵy ınfıltrat, onyń irińdeýi, jyljýy, sondaı-aq ishektiń bitelýi nemese perıtonıti bar perforatsııa paıda bolýy múmkin. Bunyń sońy ólimge ákelýi yqtımal», - deıdi Tahır Zakıruly.

Búgingi kúni patsıent ózin jaqsy sezinedi jáne bógde zatty ádeıi jutqanyn moıyndady.

Patsıent Qonaev qalalyq kópbeıindi aýrýhanasynyń dárigerlerine alǵysyn aıtty.

Foto: t.me/DenMinPR