Almaty oblysynda 43 myńǵa jýyq kópbalaly otbasy bar

TALDYQORǴAN. QazAqparat - Almaty oblysynda 43 myńǵa jýyq otbasyda 4-ten astam bala bar. Bul jóninde Almaty oblysy ákiminiń orynbasary Batyrjan Baıjumanov málim etti, dep habarlaıdy QazAqparat tilshisi.

Taldyqorǵandaǵy «Jetisu media» alańynda ótken brıfıng barysynda Batyrjan Baıjumanovtyń aıtýynsha, kópbalaly otbasylarǵa respýblıkalyq bıýdjetten memlekettik járdemaqy beriledi. ıAǵnı, bul qarajat úlken otbasylardyń (4 nemese odan da kóp kámeletke tolmaǵan balalary bar) tabysyna qaramastan tólenbek. 4 balaǵa — 42 496 teńge, 5 balaǵa — 53127 teńge, 6 balaǵa — 63 757 teńge, 7 jáne odan kóp balaǵa — 74 388 teńge beriledi.

Basqosýda bıyl halyqtyń áleýmettik osal toptary úshin aımaqtyq áleýmettik kartany júzege asyrý jalǵasatyny aıtyldy. Oǵan kópbalaly analardyń koǵamdyq kóliktermen tegin júrýi, mektepke deıingi mekemelerdegi ata-analar tólemine sýbsıdııa jasaý, gazǵa qosý jáne bilim berý granttary kiredi.

Atap aıtsaq, ótken jyly Áleýmettik kartanyń arqasynda kópbalaly jáne az qamtamasyz etilgen otbasylarǵa 3,5 mlrd teńge kóleminde áleýmettik qoldaý kórsetilip, 106 myń adam qamtylǵan.