Almaty oblysynda 354 mektep jóndeýden ótti
Joǵary da atap ótken úshaýysymdy mektepterdiń qataryn azaıtý maqsatynda 17 bilim ordasynyń qurylysy júrip jatyr.
Qazirgi tańda 1200 oryndy quraıtyn 3 mektep 1 qyrkúıekte paıdalanýǵa berilgen. Al, 300 orynǵa laıyqtalǵan 1 mekteptiń qurylysy jyl sońyna deıin aıaqtalady dep kútilýde. Qalǵan 13 nysan 2021 jyly qoldanysqa beriledi dep josparlanǵan.
Óńirde 48 bilim mekemesi úshaýysymdy oqytý júıesimen jumys jasaıdy. Jasalynyp jatqan ıgi ister bul tyǵyryqtan shyǵaratyn basty quralǵa aınalmaq. Qarashany qýantatyn taǵy bir habar, oblysta munymen qatar 32 mekteptiń qurylysy júrip jatyr. Bul aımaq basshylyǵynyń bilim salasyna kóp kóńil bólýiiniń jemisi dep tanyǵan abzal.
«Jumyspen qamtýdyń jol kartasy» baǵdarlamasy aıasynda 6 mekteptiń qurylysyn salý úshin 27,0 mlrd. teńge bólindi. 1500 oryndyq 6 mektep 9000 oryndy quraıtyn úshaýysymdy 10 mekteptiń máselesin sheshedi. 2021 jyly aıaqtalmaq»,- deıdi Oblystyq bilim basqarmasy basshysynyń orynbasary Gúlsara Isaǵulova.
Jetisý jerinde tozyǵy jetken 3 mektep bar edi. Olardyń da reńi qalpyna keltirildi. Sonyń biri Qarasaı aýdany Áıteı aýylynda memlekettik jekemenshik seriktestigi aıasynda 1200 oryndyq mektep qurylysy aıaqtaldy Nysan 2020 jyldyń naýryzynda paıdalanýǵa berildi. Bul maqsatqa 3,4 mln.teńge qarjy bólindi.
Ekinshi, Kerbulaq aýdany Qosaǵash aýylynda 80 oryndyq mektep qurylysy 2020 jyldyń qarasha aıynda aıaqtalady dep kútilýde. Bul maqsatqa jergilikti bıýdjetten 657,5 mln.teńge qarastyrylǵan.
Úshinshisi, Panfılov aýdany Aqqudyq aýylyndaǵy Baıbatshaev atyndaǵy 120 oryndyq mektep qurylysy. Bul maqsatta jergilikti qazynadan 831,1 mln.teńge bólinip, qurylys jumystary bastaldy. Qurylys jumystary 2021 jylǵa ótip otyr.
«Jumyspen qamtýdyń jol kartasy» baǵdarlamasy aıasynda Yntymaq eldi mekeninde 1200 oryndyq 1 mektep oqýshy orny tapshylyǵyn joıý maqsatynda salynbaq. Oǵan 2,9 mlrd. teńge bólinedi. 2021 jyly aıaqtalady dep kútilýde.
Aıta keterligi, oblysta 55 bilim berý nysanynyń kúrdeli jóndeý jumystary júrgizilýde, bul maqsatqa barlyǵy 23 918,1 mln. teńge qarastyryldy.
Búgingi kúnde 12 mekteptiń kúrdeli jóndeý jumystary, 3 mektep aýlasyn, stadıonyn jóndeý jumystary aıaqtaldy, qalǵan mektepter 1 qazanǵa aıaqtalady dep josparlanyp otyr.
Budan ózge «Jumyspen qamtýdyń jol kartasy» baǵdarlamasy sheńberinde 354 nysanǵa aǵymdaǵy jóndeý jumystary júrgiziledi, bul maqsatqa 1,4 mlrd teńge berilgen.
Qazirgi kezde barlyq bilim berý mekemeleriniń jóndeý jumystary júrgizilýde, 331 mekteptiń ájethanasy aıaqtaldy, 16 ájethana 20 qyrkúıekke aıaqtalady dep kútilýde.