Almaty oblysynda 35 jedel járdem kóligi berildi
El Táýelsizdiginiń 25 jyldyǵy qarsańynda emdeý mekemelerine avtokólik kiltterin oblys ákimi Amandyq Batalov tartý etti. Taldyqorǵannyń ortalyq alańynda ótken sharada óńir basshysy jınalǵandardy Táýelsizdiktiń 25 jyldyǵymen quttyqtap, memleket tarapynan densaýlyq saqtaý salasyna aıryqsha kóńil bólinip kele jatqanyn atap ótti.
«Táýelsizdik jyldary oblysta halyqtyń densaýlyǵyn saqtaý men nyǵaıtý baǵytynda aýqymdy jumystar atqaryldy. Emdeý mekemeleri salynyp, kúrdeli jóndeýden ótkizilýde, materıaldyq-tehnıkalyq bazalary nyǵaıtylyp, medıtsınalyq qyzmet kórsetý sapasy jaqsartylýda», - dedi A. Batalov.
Aıta ketý kerek, paıdalanýǵa berilgen avtokólikter zamanaýı talapqa saı. Júrek talmasy, ınsýlt, joldaǵy jaraqattaný kezindegi jedel járdem jáne ana men bala qyzmeti úshin qazirgi zamanǵy talapqa saı yńǵaıly, portatıvti elektrokardıografpen, defıbrıllıatormen jáne kıslorod apparatymen jabdyqtalǵan.