Almaty oblysynda 31 memlekettik qyzmetshige zańsyz syılyq usynylǵan

TALDYQORǴAN. QazAqparat - Almaty oblysynda memlekettik organdarda jumys isteıtin 31 qyzmetshige syılyq usynylǵan. Memlekettik qyzmetshiler syılyq usyný faktilerin basshylyqqa jetkizip, syılyqtardy arnaıy qorǵa tapsyrǵan, dep habarlaıdy QazAqparat tilshisi.

QR Memlekettik qyzmet isteri jáne sybaılas jemqorlyqqa qarsy is-qımyl agenttig Almaty oblysy boıynsha departamentiniń basshysy Serikbaı Nurǵısaev jyl basynan beri jetisýlyq memlekettik qyzmetshilerge belgisiz tulǵalar 31 ret syılyq usynǵandyǵyn atap ótti. Usynylǵan syılyqtardy memlekettik qyzmetkerler Zańǵa sáıkes arnaıy qorǵa ótkizdi.

Departament basshysy aldaǵy merekelik kúnderdiń kele jatqandyǵyna oraı, oblysta syılyq alý, berý faktilerin boldyrmaýǵa qarsy jumystar bastalǵanyn tilge tıek etti. Osyǵan oraı qoǵam belsendileri Ádep jónindegi keńes múshelerimen birlesip reıdter júrgizetin bolady.