Almaty oblysynda 2025 jylǵa deıin 98 elektr stansasy iske qosylady
Almaty oblystyq kásipkerlik jáne ındýstrııalyq-ınnovatsııalyq damytý basqarmasynyń basshysy Álimjan Tohtasýnovtyń aıtýynsha, júzege asatyn jobalardyń qujattary tolyqtaı daıyn.
«Elbasynyń tikeleı tapsyrmasyna sáıkes, 2020 jylǵa deıin 32 elektr stansasy iske qosylady. Onyń qýaty 871 mVt. Al 2025 jylǵa taman taǵy 46 jobany júzege asyramyz. Osylaısha balamaly energııa kózderin paıdalana otyryp, Jetisý jerindegi elektr stansalarynyń sanyn 98-ge jetkizýdi josparlap otyrmyz. Sý, jel, kún jáne bıo energııany qoldanbaq nıettemiz», - dedi Álimjan Tohtasýnov.
Basqarma basshysynyń sózinshe, osy jobalar nátıjeli júzege assa jalpy elektr qýaty 3700 mVt-qa jetedi. Bul óz kezeginde óńirdegi energetıkalyq táýelsizdikke qol jetkizip, ózge aımaqtardy elektr qýatymen qamtamasyz etýge jol ashpaq.
Esterińizge sala keteıik, Memleket basshysy Nursultan Nazarbaevtyń qatysýymen ótken ulttyq telekópir barysynda Almaty oblysynda Qora sý elektr stansasy iske qosyldy. Nysannyń jalpy qýattylyǵy 28 mVt. Tekeli qalasyndaǵy bul GES qýaty jaǵynan oblystaǵy Moınaq stansasynan keıin ekinshi orynda. Keler jyly Tekeli qalasyndaǵy Shaja ózeniniń boıynan taǵy bir sý elektr stansasynyń qurylysy bastalady dep josparlanýda.