Almaty oblysynda 2025 jylǵa deıin 115 mektep salynady

TALDYQORǴAN. QazAqparat -Taǵaıyndalǵanyna 100 kún bolǵan Almaty oblysynyń ákimi jergilikti jáne respýblıkalyq BAQ ókilderimen kezdesip, aımaqtyń damý josparyn tanystyrdy, dep habarlaıdy QazAqparat tilshisi.

Kezdesý barysynda óńir basshysy Jetisýdyń 2025 jylǵa deıingi áleýmettik-ekonomıkalyq damý baǵdarlamasyna tereńirek toqtaldy.

Ol ónerkásip, aýyl sharýashylyǵy, energetıka jáne týrızm salalaryna qan júgirtý kún tártibindegi basty másele ekenin jetkizdi. Almaty oblysynyń ınvestıtsııalyq qorjynynda 2,8 trln teńgeniń 289 jobasy bar. 2025 jylǵa deıin 114 myń gektar jer qalpyna keltiriledi. Sondaı-aq aýyl sharýashylyǵy ónimderi kólemin 4,5 ese arttyrý josparlanǵan. Aýyz sý, úsh aýysymdy mektpepter máselesine erekshe mán berilmek. Oblysta 2025 jylǵa deıin 115 mektep boı kótermek. Almaty oblysynyń árbir aýylynda jeke qosalqy sharýashylyqtaǵy tórt túlikti jaıatyn jer joq. Aldaǵy eki jylda ıgerilmeı jatqan jerler memleket menshigine qaıtarylyp, aýyldyq okrýgterdiń paıdalanýyna berilmek.

«Ár aýyldyń tóńireginde jatqan jerlerdi túgendep, halyqtyń malyn sanap, tıisti jerin aýyldarǵa qaıtara berý kerek. Sot arqyly sheshemiz be, basqasha sheshemiz be, qazir zań bizge quqyq berip jatyr. Sony qolǵa alyp, biz jasaımyz», - dedi aımaq basshysy.