Almaty oblysynda 20 jastaǵy turǵyn jalǵan vaktsınatsııa pasportyn jasap kelgen
Almaty oblystyq Polıtsııa departamenti baspasóz qyzmetiniń málimetinshe, kúdikti Qarasaı aýdanynda qolǵa túsken. Ol qolhatpen jiberildi.
«Atalǵan fakti QR Qylmystyq kodeksiniń 385 baby 1-bóligi boıynsha tirkeldi. 8 qazan kúni Qarasaı aýdanynda jedel-izdestirý sharasy kezinde Almaty oblystyq PD Ekstremızmge qarsy kúres basqarmasynyń qyzmetkerleri destrýktıvti dinı aǵym ókili, 20 jastaǵy turǵyndy ustady. Ol vaktsınatsııa pasportyn zańsyz rásimdeýmen aınalysyp kelgen»,- delingen vedomstvonyń habarlamasynda.
Baspasóz qyzmetiniń aqparatyna sáıkes, kúdiktige 160 AEK kóleminde ıaǵnı, 467 myń teńge aıyppul salynady nemese 160 saǵatqa qoǵamdyq jumysqa tartylady. Ne bolmasa 40 táýlikke qamaýǵa alynady. Al analızben qosyp, jalǵan vaktsınatsııa qujatyn jasaǵandarǵa 2 000 AEK kóleminde ıaǵnı, 5,8 mln teńgege deıin aıyppul salynady. Ne bolmasa 600 saǵatqa qoǵamdyq jumysqa tartylady nemese 2 jylǵa deıin bas bostandyǵyn shekteý jazasyna tartylýy múmkin.