Almaty oblysynda 2 mlrd teńgeden astam qarjy negizsiz jumsalǵan
Qazir qomaqty qarjyny bıýdjetke qaıtarý jumystary júrgizilip jatyr. Atalǵan zań buzýshylyqtarǵa Іle (1293,9 mln, teńge), Talǵar (516,8 mln. teńge), Qarasaı (204,3 mln. teńge), Eńbekshiqazaq (59,5 mln. teńge), Panfılov (45,3 mln. teńge) aýdandary men Taldyqorǵan qalasynyń (26,1 mln. teńge) ákimdikteri jol bergen.
«Menshik ıesine jer memleket menshiginen berilse, onda sol adamǵa memleketten satyp alǵan baǵasy qaıtarylady. Eger bireýden satyp alǵan jaǵdaı bolsa, sol mámilede kórsetilgen baǵasy berilý kerek. Bul jaǵdaı aýdan ákimdigi tarapynan kóp jaǵdaıda eskerilmeı, jerge naryqtyq qunmen tólengen. Bul jaıtty prokýratýra anyqtap, sot sheshimi qabyldanyp, 2 mlrd teńgeden astam qarjyny bıýjetke qaıtarý jumystary júrgizilip jatyr», dedi Almaty oblystyq jer qatynastary basqarmasy basshysynyń orynbasary Aıdos Ábdirahmanov.
Aıta ketý kerek, búgin Taldyqorǵanda Almaty oblysynyń ákimi Amandyq Batalovtyń tóraǵalyǵymen alqaly jıyn ótti. Kún tártibinde oblys aýmaǵynda júzege asyrylatyn respýblıkalyq jáne oblystyq mańyzy bar jobalarǵa qajetti jer ýchaskelerin memleket muqtajy úshin ıelikten shyǵarý jumystary qaraldy.