Almaty oblysynda 17 jastaǵy jasóspirimdi atyp ketti
16:51, 18 Qarasha 2016
TALDYQORǴAN. QazAqparat - Almaty oblysyndaǵy Qarasaı aýdanynda jasóspirimder arasyndaǵy kıkiljiń sońy ólimmen aıaqtaldy. Oqıǵa Qaskeleń qalasynda bolǵan, dep habarlaıdy QazAqparat tilshisi.
Qazir QR QK-niń 99 baby boıynsha qylmystyq is qozǵaldy. Al 17 jastaǵy jigitti atqan adam áli izdestirilip jatyr.
«Bala aýrýhanada qaıtys boldy. Ázirge onyń qaıda oqıtyny belgisiz. Oqıǵa 17 qarasha kúni kúndiz úshter shamasynda bolǵan. Atqan adam áli izdestirilip jatyr», - dep habarlady Almaty oblystyq ІІD baspasóz qyzmeti.
Sondaı-aq, qylmyskerdiń qandaı qarý qoldanǵandyǵy jóninde de ázirge málimet joq. Іs tergelip jatyr.