Almaty oblysynda 133 myń adam revaktsınatsııa kýrsynan ótti
Almaty oblysynda koronavırýstyń ósý deńgeıi 0,6%-dan 0,7%-ǵa artqan. Óńir «qyzyl» aımaqta. Sońǵy táýlikte 454 jaǵdaı tirkelgen, onyń 112-si balalar arasynda anyqtalyp otyr.
Qazirgi tańda halyqty vaktsınatsııalaý jumystary qarqyndy túrde júzege asyrylýda. Búginde 927 498 myń jetisýlyq ekpeniń birinshi bóligin alsa, ekinshi komponentti 860 875 myń turǵyn saldyrdy. Vırýsqa qarsy ekpe jumystary boıynsha Balqash (100%), Aqsý (101%) aýdandary men Tekeli qalasy (102%) kósh bastap tur. Oblysta Gam-KOVID-VAK (Spýtnık V) - 5341, «QazCovid-in» - 13 106, «SinopharmVeroCell» - 76 961 jáne Comirnaty (Pfizer) – 262 564, spýtnık laıt – 9086 doza qalyp otyr.
Óńirge Pfizer vaktsınasynyń 380 250 dozasy kelip tústi. Jalpy, atalmysh ekpeniń I komponentin 70 513 adam qabyldasa, II komponentin 34 678 myńy aldy. Sondaı-aq, revaktsınatsııa kýrsynan ótken adamdar sany 133 565-i quraıdy.
«Aýrýhanalarǵa koronavırýs ınfektsııasymen kúndelikti 350-500-ge jýyq adam túsedi. Aýyrǵan adamdardyń jas ereksheligine qarasaq joǵarǵy úles 50 jáne odan joǵary jas aralyǵynda - 41,6%, odan keıin, 30-49 jas aralyǵynda – 32,3%, 20-29 jas – 20,1%. 14 jasqa deıingi balalar arasynda – 12,8%-dyq kórsetkishti kórýge bolady»,-dedi Almaty oblysy sanıtarlyq-epıdemıologııalyq baqylaý departamentiniń baspasóz-hatshysy Álııa Shagıahmet.