Almaty oblysynda 10 jasar oqýshy dárethana tesigine túsip ketken sábıdi qutqardy

QONAEV. QazAqparat - Almaty oblysynda 10 jasar jetkinshek úsh jasar balany qutqardy, dep habarlaıdy QazAqparat.

15 shilde kúni saǵat 10:36-da Almaty oblysy tótenshe jaǵdaı departamentiniń kezekshisine Almaty qalasy daǵdarys jaǵdaılary basqarmasynyń kezekshisinen habar túsken.

Aıtýynsha, 14 shilde kúni Almaty oblysy Qarasaı aýdany Іrgeli aýylynda Kókdala kóshesinde turatyn 2011 jyly týǵan bala saǵat 09:40 shamasynda qazylǵan shuńqyrdan (dárethana) 2019 jyly týǵan kórshi qyzdy alyp shyqqan.

​Úsh jasar qyzdyń anasynan qyz balanyń dárethanaǵa qulap ketkenin estigen soń ákesi men balasy kómekke asyqty.

Aldymen er adam dárethananyń tesigine ózi túspek bolǵan. Biraq sańylaý tym kishkentaı edi. Ózin tómen túsirýge de múmkindik bolmady.

Sonda on jasar ​Álıhan qazylǵan shuńqyrǵa túsýge ózi surandy. Ol sol dárethananyń kishkentaı tesigine ózi ǵana sııatynyn túsindi.

Ulyn arqanmen baılap, balanyń ákesi ony dárethana tesiginen tómen túsirip, aldymen qyzdy, sodan keıin ulyn tez shyǵaryp aldy.

​Balalar ýly gazdan tunshyǵyp qalýy múmkin edi. Biraq balanyń batyl jáne tez áreketteriniń arqasynda ekeýi de aman shyqty jáne medıtsınalyq kómekti qajet etpedi.

Batyr bala qyzdyń ómirin saqtap qalǵany úshin vedomstvolyq marapatqa usynylady.