Almaty oblysyna jańa prokýror taǵaıyndaldy

TALDYQORǴAN. QazAqparat - Búgin Almaty oblysynyń ákimi Amandyq Batalovtyń tóraǵalyǵymen oblystyq aktıvtiń otyrysy ótti. Jıynda QR Bas Prokýrorynyń orynbasary Erlik Kenenbaev oblys aktıvine Almaty oblysynyń jańa prokýrory Azamat Sembaıuly Jylqybekovti tanystyrdy, dep habarlaıdy QazAqparat óńir basshysynyń baspasóz qyzmetine silteme jasap.

Almaty oblysynyń ákimi Amandyq Batalov birinshi kezekte Almaty oblysynyń prokýrory bolǵan Ǵabıt Tóreuly Mırazovtyń 5 jylda atqarǵan jumysyna oń baǵa berip, ortaq múddege jetý maqsatynda birlese atqarǵan eńbegi úshin alǵysyn bildirdi.
 

Otyrys barysynda Erlik Ábdiraqymuly jańadan taǵaıyndalǵan oblys prokýrorynyń iskerlik, kásibı jáne adamı qasıetterine jekeleı toqtalyp, onyń prokýratýra salasynda uzaq jyldar boıy eńbek ótiliniń baryn jáne bul laýazymdy alyp júrýine tolyqtaı bilimi men biliktiliginiń jetetindigin atap ótti.

Eskerte ketetin bolsaq, buǵan deıingi Almaty oblysynyń prokýrory bolǵan Ǵabıt Mırazov Almaty qalasynyń prokýrory bolyp taǵaıyndaldy.