Almaty oblysyna velojarysqa kelgender tirkeý talonymen daýys berdi
Bul saıysqa qatysqan qazaqstandyq sportshylar Kóksý aýdanyndaǵy Muqyry aýylynda daýys berdi, dep habarlaıdy QazAqparat tilshisi.
Qazaqstan atynan qatysqan velosportshylar ózderimen birge saılaýǵa tirkeý talondaryn ala kelip, Muqyry aýyldyq okrýgindegi saılaý ýchaskesinde óz tańdaýlaryn jasady. Saılaýǵa qatysyp, azamattyq boryshyn bildirgenderdiń arasynda Almaty oblystyq velosport federatsııasynyń prezıdenti Serik Turdalıev te bar.
Serik Melisulynyń aıtýynsha halyqaralyq jarys respýblıkadaǵy saıası naýqanǵa esh kedergisin jasaǵan joq. Kerisinshe, eki sharada da olar belsendi bolýǵa tyrysqandaryn jetkizdi.
Eki kúnge sozylǵan velobáıgege 10 memleketten 300-den astam veloshabandoz qatysty. Birinshi kúni olar Taldyqorǵan qalasynyń aınalma joldarynda myqtyny anyqtasa, ekinshi kúni Muqyry taýynyń bókterin aınalyp, 104 shaqyrymǵa jarysqa shyqty.
Aıta keteıik, Almaty oblysynda turatyn 2 mln halyqtyń 1 mln 400 myńy saılaýǵa qatysýǵa quqyly. Óńirde 1040 saılaý ýchaskesi bar. Ol jerde prezıdenttikke úmitkerlerdiń 2100-den astam senimdi ókili men shetelden kelgen baıqaýshylar saılaý barysyn qadaǵalap otyr. Jalpy oblysta 700-den astam eldi meken bar.