Almaty oblysy: Ulystyń uly kúninde 80 otbasy baspanaly boldy

TALDYQORǴAN. QazAqparat - Almaty oblysynda jalǵyz monoqala tizimine engen Tekeli qalasynda 80 otbasy baspanaly boldy. Ulystyń uly meıramy - Naýryz merekesi qarsańynda tekelilikter osylaısha qos qýanyshqa keneldi, dep habarlaıdy QazAqparat tilshisi.

Shahar basshysy Baqtııar Ónerbaev qonys toı ıelerine páter kiltterin saltanatty túrde tabys etip, ár otbasyǵa bereke-birlik tiledi.

80 páterli arendalyq úı "Nurly jer" baǵdarlamasy aıasynda boı kótergen. Turǵyn úıdiń qurylysyna "Ulttyq qordan" 409 mln teńge, jergilikti bıýjdetten 45 mln teńgeden astam qarjy bólingen. Jańa baspana múmkindigi shekteýli jandarǵa, az qamtylǵan otbasylarǵa, birinshi jáne ekinshi toptaǵy múgedekterge, tolyq emes otbasylarǵa, kópbalaly januıalarǵa berildi.

Qonys toı ıeleriniń qatarynda páter kezeginde 10 jyldan astam ýaqyt turǵan zeınetker Fatıma Іzbasarova da bar. Qarııa 85 jasynda baspanaly boldy.

Tekelide 2018-2021 jyldar aralyǵynda "Nurly jer" baǵdarlamasy boıynsha taǵy 40 páterli turǵyn úı salý josparlanýda.