Almaty oblysy turǵyndarynyń muń-muqtajyn tyńdaýǵa Májilis depýtattary keldi

QONAEV. QazAqparat – Parlament Májilisiniń depýtattary, «AMANAT» partııasy fraktsııasynyń músheleri Almaty oblysyna issaparmen keldi, dep habarlaıdy QazAqparat tilshisi.

Óńirge Parlament Májilisiniń depýtattary Maksım Rojın men Maqsat Tolyqbaı arnaıy keldi. Ondaǵy negizgi maqsat keleli jıyn ótkizip, turǵyndarmen baılanys ornatý.

Olar 10 kún boıy óńirdegi 7 aýdan men Qonaev qalasyn aralap, turǵyndarmen kezdesip, muń-muqtajyn tyńdaıdy.

«AMANAT» partııasy Almaty oblystyq fılıaly tóraǵasy Qýat Baıǵodjaev Májilis depýtattary barlyq aýdan, qalada 40-tan astam kezdesý ótkizip, qoǵamdyq qabyldaý uıymdastyrylatynyn jetkizdi.

Qoǵamdyq qabyldaýlar kestesi partııa fılıaldarynyń áleýmettik jelidegi paraqshalaryna jarııalanǵan. Sonymen qatar aldaǵy ýaqytta Jol kartasyna engizilgen jobalardyń iske asyrylý barysy da talqylanady.

Aıta ketý kerek, halyq qalaýlylary Eńbekshiqazaq aýdanynda óńir jurtshylyǵymen kezdesýdi bastap ketti.