Almaty oblysy boıynsha qazir ındýstrııaldy-ınnovatsııalyq 22 joba bar - mınıstr Á.Isekeshov

/strong>Sáýirdiń 16-sy. QazAqparat / Ádilet Musahaev / - Búgin QR Premer-Mınıstriniń orynbasary, Indýstrııa jáne jańa tehnologııalar mınıstri Áset Isekeshov elimizde iske asyp jatqan ındýstrııaldy-ınnovatsııalyq damý baǵdarlamasy aıasyndaǵy jobalardyń jumys qarqynyn qadaǵalaý maqsatynda Almaty oblysy Іle aýdanyna keldi,

dep habarlaıdy QazAqparat.

Á.Isekeshov bastaǵan delegatsııa 5 myń jumys kúshin tartyp otyrǵan «Jetigen-Qorǵas - QR Memlekettik shekarasy» temirjol jelisiniń qurylysymen, «Damý» ındýstrııaldy-logıstıkalyq ortalyq» JShS, «Medıateks-N» bas kıimder tigetin fabrıka men sút ónimderin shyǵaratyn «Danon-Bercut» JShS sııaqty ınvestıtsııalyq jobalardyń qurylysyn aralap, jumys barysymen tanysty.

«Almaty oblysy boıynsha qazir ındýstrııaldy-ınnovatsııalyq 22 joba bar, onyń 10-y respýblıkalyq ındýstrııalandyrý kartasy boıynsha, solardyń 8-i bıyl iske asatyn bolady. Qazirgi ýaqytta júrgizilip jatqan jumystar kóńil qýantarlyq. Barlyq nysandardyń qurlysy jospar boıynsha júrgizilip keledi», dedi Á.Isekeshov.

Sondaı-aq ol qaıta óńdeý salasynda da jańa jobalardyń iske asyp jatqandyǵyn aıtyp ótti. «Sonymen qatar, búgin «Damý» ındýstrııaldy-logıstıkalyq ortalyǵynda salynyp jatqan sút óńdeıtin fabrıkanyń jumysmen tanystyq. Ony frantsýzdyq iri kompanııa júzege asyrýda. Bul óndiristegi jańa bir beles bolyp tabylady. Olar mańaıyna fermerlik klasterdi tartýda jáne osyndaı taǵy bir fabrıkany Qostanaıdan ashpaqshy», dep atap ótti Áset Isekeshov.