Almaty oblysy Arystyń 150 balasyn jazǵy lagerge qabyldaýǵa daıyn - ákimdik
16:21, 25 Maýsym 2019
TALDYQORǴAN. QazAqparat- Almaty oblysynyń ákimdigi Arys qalasynyń 150 balasyn jazǵy lagerge qabyldaýǵa daıyn. Sondaı-aq erteń Túrkistan oblysyna 8 aýyr júk kóligi gýmanıtarlyq kómek jetkizý maqsatynda jolǵa shyǵady, dep habarlaıdy QazAqparat tilshisi.
"Almaty oblysy Arystaǵy aǵaıynǵa qoldan kelgen kómekti kórsetýge daıyn. Jetisý óńiri Arystaǵy 150 balanyń jazǵy demalysyn jaqsy ótkizý maqsatynda lagerge qabyldaımyz. Sonymen qatar erteń 8 aýyr júk kóligi Túrkistan oblysyna gýmanıtarlyq kómekti jetkizedi", - dedi Almaty oblysy ákiminiń baspasóz qyzmetiniń jetekshisi Ǵalymurat Júkel.
Esterińizge sala keteıik, Almaty oblysyndaǵy memlekettik qyzmetshiler, vedomstvolyq jáne bıýdjettik mekeme jumysshylary Arys turǵyndaryna qoldaý kórsetý maqsatynda birkúndik jalaqysyn aýdaratynyn buǵan deıin habarlaǵanbyz. Sondaı-aq óńirde #JetisýAryspenBirge heshtegi aıasynda túrli qaıyrymdylyq aktsııalary uıymdastyrylýda.