Almaty oblysy ákimdiginiń grantyna dombyrashylar ansambli quryldy

TALDYQORǴAN. QazAqparat - Almaty oblysyndaǵy Іle aýdanynyń Baıserke aýylynda «Kúı dúbiri» atty  dombyrashylar ansambli quryldy. Shaǵyn shyǵarmashylyq toptyń tusaýkeser rásiminde 8 ben 14 jas aralyǵyndaǵy órender óz ónerlerin kórsetti, dep habarlaıdy QazAqparat tilshisi.

Jańa óner ujymy Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasy aıasynda qurylyp otyr. Tól ónerdi dáripteýge arnalǵan ıgi isti - «Nurshat-Nur» qoǵamdyq birlestigi qolǵa aldy. Almaty oblysynda ótken úkimettik emes uıymdarǵa arnalǵan áleýmettik ıdeıalar men jobalar jármeńkesinde atalmysh qoǵamdyq birlestiktiń jobasy jastar tárbıesi baǵyty boıynsha jeńimpaz tanylyp, quny 500 myń teńge bolatyn oblys ákimdiginiń grantyn utyp aldy.

Nátıjesinde bul qarajatqa 15 dombyra, úlken mýzykalyq ortalyq satyp alyndy.