Almaty oblysy 80 metrlik aýmen balyq aýlaǵan brakonerler ustaldy

TALDYQORǴAN. QazAqparat - Almaty oblysynda 100 keliden astam tiri balyq tárkilendi, dep habarlaıdy QazAqparat tilshisi.

Almaty oblystyq polıtsııa departamenti baspasóz qyzmetiniń málimetinshe, 17 shildede tabıǵatty qorǵaý polıtsııasy balyq sharýashylyǵy qaýymdastyǵynyń ókilderimen birlesip, bir top brakonerdi ustady.

Іle aýdany Mejdýrechensk aýyldyq okrýginiń Sarybulaq kólinde «belgisiz bireýler aýmen balyq aýlap júr» degen jedel aqparatty ala salysymen tabıǵat qorǵaý polıtseıleri balyq sharýashylyǵy qaýymdastyǵy ókilderimen birge atalǵan jerge kelip jetti.

Olar avtokólik pen arqan arqyly sýdyń ishinen balyqqa toly tordy alyp shyǵyp jatqan adamdardy qolǵa túsirdi. Ustalǵan 4 er adam - Qarasaı aýdanynyń turǵyndary.

Tártip saqshylary zańsyz balyq aýlaý protsesin tirkep, olardan 80 metr balyq aýlaıtyn aýdy, 100 keliden astam tiri balyqty, onyń ishinde 70 keliden joǵary sazan jáne 30 kelige jýyq móńkeniń tárkiledi.

Atalǵan derek QR Qylmystyq kodekstiń 335-baby 3-bóligi 4-tarmaǵy boıynsha tirkeldi.

Zańsyz balyq aýlaýǵa jumyldyrylǵan avtokólik sottyń sheshimine deıin arnaıy turaqqa qoıyldy. Kúdiktilerge qatysty turǵylyqty jerlerinen ketpeýge jáne tıisti tártipti saqtaý týraly buldartpaý sharasy qabyldandy.

Tárkilengen balyq qabyldaý pýnktine ótkizildi.