Almaty oblystyq TJD turǵyndarǵa úndeý jasady

QONAEV. QazAqparat – Almaty oblysynyń tótenshe jaǵdaılar departamenti kóktemgi sý tasqynynyń aldyn alý maqsatynda oblys turǵyndaryna úndeý jasady, dep habarlaıdy QazAqparat tilshisi.

Almaty oblysynyń TJD málimetinshe, oblys aýmaǵynda sý basýdyń aldyn alý maqsatynda tıisti sharalar qolǵa alynýda. Osyǵan baılanysty Almaty oblysynyń TJD úndeý jarııalap, turǵyndardan úı mańyndaǵy aryqtardy tekserip, olardy tazartýdy surady.

«Qurmetti Almaty oblysynyń turǵyndary! Tótenshe jaǵdaılar departamenti erigen sýlardy aryq jelileri arqyly kedergisiz ótkizýdi uıymdastyrý maqsatynda jeke sektor turǵyndarynan jeke aýmaqtarda, sondaı-aq úılerge irgeles ýchaskelerde ornalasqan aryqtardy tekserýdi jáne tazartýdy surady. Turǵyn úılerdi sý basyp qalmas úshin aryq jelileriniń qoqyspen bitelýine jáne qar basyp qalýyna jol bermeýlerińizdi suraımyz»,- delingen departament úndeýinde.