Almaty oblystyq bilim basqarmasynyń basshysy Maıgúl Omarova qamaýǵa alyndy
Sot sanktsııasyna sáıkes 51 jastaǵy basqarma basshysy sybaılasymen birge eki aıǵa qamaýǵa alynǵan.
ıAǵnı, Maıgúl Omarovamen qatar bul iske qatysy bar óńirlik aqparattyq tehnologııalar ortalyǵynyń dırektory 28 jastaǵy Arapbı Meńlibaev eki aıǵa qamalsa, bilim basqarmasynyń bas mamany, 31 jastaǵy Baqyt Abdoldanova úıqamaqta.
«4 aqpanda Taldyqorǵan mamandandyrylǵan tergeý soty kúdiktiler M.T. Omarova men A.A. Meńlibaevqa qatysty eki aıǵa kúzetpen ustaý túrindegi bultartpaý sharasyn sanktsııalady. Kúdikti B.S. Abdoldanova úıqamaqqa alyndy» dep habarlady Almaty oblysynyń prokýratýra ókilderi.
Tergeý materıaldaryna sáıkes, Maıgúl Omarova 2020 jyldyń qazan-qarasha aılarynda jalpy somasy 406 mıllıon teńgege 2522 noýtbýk jetkizýge jáne pandemııamen kúres boıynsha daǵdarysqa qarsy sharalar sheńberinde satyp alynǵan noýtbýkterdi kedergisiz qabyldaýǵa memlekettik satyp alý shartyn jasaǵan.