«Almaty Nomad» jastardy elimizdiń kórikti jerlerin tamashalaýǵa shaqyrady
«Týǵan jer: týǵan ólkege saıahat» jobasy jastarǵa arnalǵan. «Almaty Nomad» saıahatshylar klýby elimizdiń kórikti jerlerin aralaýdy Túrkistan jáne Batys Qazaqstan oblystarynan bastady.
«Bıyl - jastar jyly, sondyqtan osy jolǵy jobamyz jastarǵa arnalady. Túrkistan men Batys Qazaqstanǵa saıahat jasap, kúni keshe keldik. Іshki týrızmdi jastar arasynda nasıhattaý úshin 16 men 35 jas aralyǵyndaǵy adamdardy shaqyrdyq. Ońtústiktegi barlyq tarıhı jerlerdi kórdik. Arystanbab kesenesinde, kóne Otyrar tóbe tarıhı kesheninde, Túrkistandaǵy Qoja Ahmet ıAsaýı kesenesinde boldyq. Jaıyqtyń jaǵasynda qydyrdyq. Áıgili kúıshi Dına apamyzdyń týǵan jerine de at basyn tiredik. Qazyǵurt taýyna shyǵyp, tóbeden tabıǵatty tamashaladyq»,-deıdi «Almaty Nomad» saıahatshylar klýbynyń dırektory Mádına Ashılova.
Uıymdastyrýshylar saıahattyń ekinshi kezeńine baıqaý jarııalaıdy. Bul joly Soltústik jáne Shyǵys Qazaqstanǵa jol tartpaq.
«Baıqaý sharttary qıyn emes. Úmitker ózin taspaǵa túsirip, ne úshin barǵysy keletinin túsindirýi tıis. Eń bastysy - ol óz eliniń patrıoty bolý kerek. ıAǵnı, otandastary men sheteldikterge týǵan ólkeniń keremetin jetkize bilýi qajet. Qazir jastar ýaqytynyń basym bóligin áleýmettik jelide ótkizedi, barǵan jerleriniń sýretin, vıdeosyn salyp otyrsa, bul da - ishiki týrızmdi damytýdyń birden bir joly», - deıdi uıymdastyrýshylar.
Soltústik Qazaqstan men Shyǵys Qazaqstannyń tarıhı jerlerin aralaǵysy keletinder túsirgen beınejazbalaryn aimatynomad@gmail.com saıtyna jiberýi kerek.
Jas saıahatshylardyń joly, jatyn orny, tamaǵy tegin.