Almaty nelikten koronavırýs boıynsha «qoıý qyzyl» aımaqqa ótti
Ol jaıynda qalanyń sanıtarlyq-epıdemıologııalyq baqylaý departamenti basshysynyń orynbasary Ásel Qalyqova túsindirip berdi.
«Nelikten Almaty «qoıý qyzyl» aımaqqa kirdi? Bul - eń aldymen aldyn alý sharasy. Táýlik saıyn turǵyndar arasynda koronavırýs ınfektsııasyn juqtyrýdyń 1200-1500-den astam jaǵdaıy tirkelip otyr», - dep atap ótti ol.
Ol sondaı-aq qara qyzyl aımaqty anyqtaý úshin qandaı krıterııler bar ekenin túsindirdi.
«Bas memlekettik sanıtarlyq dárigerdiń qaýlysyna sáıkes jalǵyz krıterıı belgilendi. Ol – ınfektsııalyq statsıonarlardaǵy, atap aıtqanda KVI juqtyrǵan naýqastardy emdeýge arnalǵan statsıonarlardaǵy tósek-orynnyń tolýy», - dedi spıker.
Sondaı-aq, Ásel Qalyqova qoǵamdyq densaýlyq saqtaý basqarmasynyń málimetinshe, aýrýhanalardaǵy tolyp qalǵan oryndardyń úlesi 65,6% quraıtynyn atap ótti.
Barlyǵy 7 625 oryn bólindi, onyń ishinde 7 045 oryn tolyp qalǵan.
Buǵan deıin Almatynyń bas sanıtar dárigeri Jandarbek Bekshın karantın týraly jańa qaýlyǵa qol qoıǵan bolatyn.