Almaty: Naýryzbaı aýdanynda karer jumysynan jergilikti turǵyndar japa shegýde
Naýryzbaı aýdany turǵyndarynyń biri kezdesý barysynda Erbolat Dosaevtan turǵyn úı aýmaǵyndaǵy karerdiń ıelerine shara qoldanýdy surady.
Aıtýynsha, «Aqjar» shaǵynaýdanynyń boıynda úsh karer bar. Sonyń saldarynan qala turǵyndarynyń densaýlyǵy nasharlap barady.
«Olardyń lıtsenzııasy byltyr aıaqtaldy. Sonymen qatar, úsh aıǵa jumys isteýine tyıym salynǵan bolatyn. Alaıda áli de jumys istep tur. Osynyń kesirinen balalarymyz allergııa, onkologııadan zardap shegedi», – deıdi aýdan turǵyny.
Ákim Erbolat Dosaevtyń aıtýynsha, karerler Almaty oblysynyń aýmaǵynda ornalasqan.
«Byltyr oblys ákimimen sóılesken bolatynbyz. Men suraqty taǵy da kóteremin. Biraq, ókinishke oraı, ıýrısdıktsııa Almaty qalasyna qaramaıdy», - dep jaýap berdi ákim.
Naýryzbaı aýdanynyń ákimi Sanjar Toǵaı bul máseleni Almaty oblysynyń ákimdigimen birneshe ret talqylaǵanyn atap ótti.
«Almaty oblysy karermen kelisimshartty toqtatty. 2021 jyly karer basshylyǵy óz merzimderin qalpyna keltirip, ári qaraı jumysyn jalǵastyra bastady», - dedi ol.
Erbolat Dosaev karerlerdiń birneshe jyldan beri jumys istep turǵanyn tilge tıek etti.
«Oblys ákimimen birge jumys isteıtin bolamyz. Buryn sot sheshimi bolsa, endi apellıatsııalyq shaǵym túsiretin shyǵarmyz. Almaty oblysynyń ákimine resmı túrde júginemin», - dep qosty Erbolat Dosaev.
Sondaı-aq ol sanıtarlyq-epıdemıologııalyq baqylaý departamentine tıisti saraptamalar júrgizýdi tapsyrdy.
Buǵan deıin Almatyda zańsyz karer jabylǵany týraly jazǵan bolatynbyz.