Almaty metrosy tegin wi-fi júıesine qosyldy

ALMATY. QazAqparat - Almaty metrosynyń barlyq beketterinde wi-fi iske qosyldy. Bul týraly metropolıtenniń baspasóz qyzmeti málim etti, dep habarlaıdy QazAqparat tilshisi.

Tegin WI-FI jelisine metroǵa kireberisten stantsııaǵa túskenge deıin qosylý kerek.

«WI-FI jelisine kirý úshin paıdalanýshy METRO wi-fi jelisine qosylýy kerek. Keıin avtomatty túrde sáıkestendirý betine ótesiz. Onda telefon nómirińizdi engizip, rastaý batyrmasyn basý kerek», - dep tolyqtyrdy «Metropolıten» baspasóz qyzmet.

Buǵan deıin Saryarqa men Dostyq metro stansalary qashan ashylatyny týraly habarlaǵan bolatynbyz.

Respýblıkalyq bıýdjetten tolyq qarjylandyrylatyn bolsa, Almaty metrosynyń eki jańa beketi 2021 jyldyń jeltoqsan aıynda paıdalanýǵa beriledi.