Almaty meshitterinde «Orazaǵa qatysty 200 suraq» atty kitapsha taratylady
17:03, 30 Naýryz 2022
ALMATY. QazAqparat - Orazanyń alǵashqy kúni juma namazynan keıin Almaty meshitterinde «Orazaǵa qatysty saýaldarǵa jaýap berý alańy» degen atpen jamaǵattyń dinı suraqtaryna jaýap berý sharasy ótedi, dep habarlaıdy QazAqparat tilshisi.
«Aqparattyq nasıhat jumystary boıynsha Orazanyń alǵashqy kúni Juma namazynan keıin qala meshitterinde «Orazaǵa qatysty saýaldarǵa jaýap berý» alańy degen atpen jamaǵattyń dinı suraqtaryna jaýap berý sharasy ótkiziledi. Almaty ókildigi «Orazaǵa qatysty 200 suraq» atty kitapshany daıyndap, oqyrmanǵa usynyp otyr. Ol qazaq tilinde 10 myń dana, orys tilinde 5 myń danamen basyp shyǵarylǵan jáne ol meshitterge taratylady»,-dedi Tólebı Ospan.
Sonymen qatar 15 myń tırajben Oraza kestesi jáne 5 myń tırajben qysqasha Oraza nusqaýlyǵy qamtylǵan borshıýralar tegin taratylady.
Buǵan deıin Almatyda Ramazan aıynda 100 myń dana sý men qurma taratylatyny týraly habarlaǵan bolatynbyz.