Almaty men qala mańynda burshaq jaýyp ótti
01:27, 22 Mamyr 2023
ALMATY. QazAqparat - Almatyda 21 mamyr kúni keshke kún qatty kúrkirep, burshaq jaýdy. Burshaqtyń kólemi 2-3 santımetrge deıin jetedi, dep habarlaıdy QazAqparat tilshisi.
Almaty oblysynda da burshaq jaýdy. Óńir men Almaty turǵyndary túsirgen vıdeolaryn áleýmettik jelilerde bólisip jatyr.
Vıdeo astyndaǵy túsiniktemede Instagram qoldanýshylary burshaq qalanyń barlyq aýdanynda birdeı jaýmaǵanyn jazady. Keı jerlerde múlde bolmaǵan.
Buǵan deıin sınoptıkter Almaty oblysynyń aýmaǵynda daýyldy eskertý jarııalaǵan bolatyn.
Olar nóser jaýyn sońy iri burshaqqa ulasady dep boljaǵan.
Sondaı-aq, Qazgıdromet mamandary 21 mamyrda eldiń soltústik-batysynda, sondaı-aq Qazaqstannyń ońtústik-shyǵysyndaǵy taýly aýdandarda qatty jańbyr jáne burshaq jaýady degen bolatyn.