Almaty men Doha arasynda jańa áýe reısi ashyldy

NUR-SULTAN. QazAqparat - Búgin Almaty - Doha baǵyty boıynsha jańa halyqaralyq reıstiń ashylý saltanaty ótti, dep habarlaıdy QazAqparat.

Ashylý saltanatyna Azamattyq avıatsııa komıtetiniń tóraǵasy Talǵat Lastaev, Almaty qalasy ákimdiginiń orynbasary Serik Qusaıynov, Katardyń Qazaqstandaǵy Elshisi Abdýlazız Sultan Ál-Rýmaıhı, «Qatar Airways» áýe kompanııasynyń Shyǵys óńirler boıynsha aǵa vıtse-prezıdenti Marvan Kolelaıt, Almaty qalasy áýejaıynyń prezıdenti Alp Er Týnga Ersoı qatysty.

Reıster aptasyna 2 reıstiń jıiligimen syıymdylyǵy 132 kreslo (12 bıznes klass, 120 ekonom klass) Airbus A320 tıpti áýe kemelerimen oryndalady.

Jolaýshylar Dohadaǵy Hamad halyqaralyq áýejaıy arqyly 140-tan astam taǵaıyndalǵan pýnkterden turatyn «Qatar Airways» áýe kompanııasynyń baǵyttar jelisin paıdalana alady.

Bul baǵytta reıster 2020 jyldyń kókteminde ashylýy josparlanǵan bolatyn, biraq pandemııaǵa baılanysty toqtatyldy.

Azamattyq avıatsııa komıteti halyqaralyq baǵyttardy qalpyna keltirý, sondaı-aq jańa halyqaralyq baǵyttardy ashý boıynsha jumystar júrip jatyr.

«Qatar Airways» áýe kompanııasy Skytrax halyqaralyq áýe kóligi reıtıng uıymynyń «Jyl áýe kompanııasy» bolyp jarııalandy.