Almaty men Almaty oblysynyń kedendik baqylaý departamentteri Qytaımen shekarada toqtap turǵan 289 kóliktegi júkterdi qabyldaýǵa daıyn - KBK
Sonymen qatar atalmysh departamentter «Qorǵas» keden beketi arqyly kúnine 200-ge jýyq Qytaıdan keletin kólikterdi jiberip otyratyn boldy. Bul týraly búgin jýrnalıstermen bolǵan brıfıngte Qarjy mınıstrligi Kedendik baqylaý komıteti tóraǵasynyń orynbasary Igor Ten málim etti.
Onyń sózine qaraǵanda, Qazaqstan men Qytaı yntymaqtastyq komıteti 22-25 maýsym kúnderi Almatyda shekaralas kedendik qyzmetterdiń kezekten tys májilisin ótkizdi. Májiliske Almaty qalasy men oblysynyń kedendik baqylaý departamentiniń basshylary qatysty. Al Qytaı tarapynan jıynǵa Úrimshi qalasynyń keden basqarmasy bastyǵynyń orynbasary qatysty. «Jıyn barysynda taraptar Qazaqstan-Qytaı shekarasynda turyp qalǵan kólikterge qatysty máseleni sheshý úshin tıimdi sharalar qoldaný qajettigin aıtty. Kezdesý barysynda Qytaı tarapy ózderiniń shekaralarynda myńǵa jýyq
júk kólikteri turyp qalǵandyǵyn jetkizdi. Olardyń 289-y kedendik rásimdeýlerden ótken. Sondaı-aq Qazaqstan tarapy jolaýshylary bar avtobýstardyń shekaradan ótý tártibin belgileýdi usyndy. Buǵan qosa qazaqstandyqtar avtobýstardyń ótý tártibin ekijaqty qujatpen bekitý qajet degen oılaryn bildirdi. Al Qytaıdan Qazaqstanǵa eksport úshin ákelingen júkterdiń qujattaryn seıf-paketterge salyp, tıisti keden organdaryna jiberip otyrý kerek degen usynystaryn bildirdi. Qytaı tarapy bul máseleni quzyrly organdarmen talqylaıtyndyqtaryn jetkizdi»,-dedi komıtet tóraǵasynyń orynbasary.