Almaty mektepterine týrnıket pen dabyl túımeleri ornatylady
14:35, 13 Qazan 2022
ALMATY. QazAqparat – Almaty ákimi Erbolat Dosaev qala turǵyndarymen kezdesýinde 2023 jyldan bastap jalpy bilim beretin mektepterde týrnıket, dabyl túımeleri men beınebaqylaý júıesi ornatylatynyn aıtty, dep habarlaıdy QazAqparat tilshisi.
Qala ákimimen kezdesýge kelgen Áýezov aýdany turǵyndarynyń biri Erbolat Dosaevtan mektepterge dabyl túımelerin ornatý, basqa da saqtyq sharalaryn qarastyrý máseleleri týraly surady.
«Bul másele boıynsha jumys istep jatyrmyz. Memlekettik mektepter úshin úsh elementti qamtıtyn baǵdarlama ázirlenedi: dabyl túımesi, týrnıket jáne beınebaqylaý júıesi. Jekemenshik mektepter ózin-ózi qamtamasyz etýi kerek. Memlekettik mektepter úshin baǵdarlama usynylady. 2023 jyly iske asyra bastaımyz», - dedi Erbolat Dosaev.
Buǵan deıin Almatynyń qansha mektebine vıdeobaqylaý kamerasy ornatylǵany týraly jazǵan edik.