Almaty mektepterinde UBT-ǵa daıyndyq qalaı júrip jatyr
Almatydaǵy №136 mektep-gımnazııa dırektorynyń oqý isi jónindegi orynbasary Nurgúl Jumanbektiń aıtýynsha, ótken jyly pandemııaǵa baılanysty oqýshylar sońǵy toqsandy onlaın aıaqtaǵan, biraq bul on birinshi synyp oqýshylarynyń test nátıjesine áser etken joq.
Byltyrǵy túlekter ulttyq biryńǵaı testileýdi offlaın rejıminde barlyq sanıtarlyq normalarǵa sáıkes tapsyrdy.
«Bıyl bizdiń mektepte 11-synypty 41 oqýshy bitiredi. Jańa oqý jylynda túlekter arnaıy saıttar arqyly aldyn ala testileýdi onlaın tapsyrdy. Muǵalimder kúndelikti oqýshylarmen baılanysta bolady jáne barlyq daıyndyq protsesi men synaq testileriniń nátıjelerin baqylaıdy», - dedi Nurgúl Jumanbek.
Almaty qalasynyń bilim basqarmasy atap ótkendeı, QR Bas sanıtar dárigeriniń buıryǵymen úshinshi toqsannan bastap 9 jáne 11 synyp oqýshylary mektepke oralady.
«Úshinshi toqsannan bastap túlekter dástúrli formatta oqıdy. ıAǵnı synaqty mektep qabyrǵasynda ótkizedi. Aldaǵy emtıhandarǵa daıyndyq burynǵydaı jalǵasady», - dep qosty Nurgúl Jumanbek.