Almaty mektepterinde 6 myńnan astam beınekamera ornatylǵan
Almaty qalalyq polıtsııa departamentiniń málimetinshe, qaladaǵy 214 memlekettik jáne 100 jekemenshik mekteptiń qaýipsizdik júıesi tekserildi.
Almatyda qalalyq bilim basqarmasy men polıtsııa departamentiniń bilim berý uıymdarynda bilim alýshylardyń qaýipsizdigin, beınebaqylaý júıeleriniń jabdyqtalýyn, qyzmetkerler men kelýshilerdi eskertý quraldaryn, dabyl túımelerin, qaýipsizdik dabyly men fızıkalyq qaýipsizdikti tekserý boıynsha birlesken komıssııasy qurylǵan. Bul týraly Almaty qalalyq polıtsııa departamentiniń jergilikti polıtsııa qyzmeti basqarmasynyń bastyǵy Erjan Uzabaev aıtty.
«Búgingi tańda qala mektepterinde 6739 beınebaqylaý kamerasy jumys isteıdi. Olardyń basym bóligi jedel basqarý ortalyǵymen biriktirilgen. Sonymen qatar, bilim berý uıymdarynda júrgizilgen tekserý qalanyń barlyq mektebinde dabyl túımeleri ornatylǵanyn jáne jumys istep turǵanyn kórsetti, – dedi Erjan Uzabaev.
Ol, sondaı-aq, bilim berý mekemeleri dabyl júıesimen jabdyqtalǵanyn, olarda daýys zoraıtqysh júıesi bar ekenin málimdedi.