Almaty mektepteri jańa oqý jylyna daıyn ba

ALMATY. QazAqparat - Búgin Almaty ákimi Erbolat Dosaev Naýryzbaı aýdany, «Aqjar» shaǵyn aýdanyndaǵy № 200-shi mektep-gımnazııanyń jańa oqý jylyna daıyndyǵyn tekserdi, dep habarlaıdy QazAqparat tilshisi.

Mektep ǵımaratynda jazǵy demalys kezinde aǵymdaǵy jóndeý jumystary aıaqtaldy. Atqarylǵan jumystyń basty nátıjesi kitaphanany molernızatsııalaý boldy.
Erbolat Dosaev kitaphanany aralap kórdi ári almatylyq oqýshylar úshin 1 qyrkúıekten bastap jumys jasaıtyn Kitap.kz onlaın platformasynyń qoljetimdiligin tekserdi. Jańa úlgidegi kitaphanada kitap qoryn keńeıtýden jáne tehnıkalyq jaraqtandyrýdan basqa oqýshylardyń shyǵarmashylyq damýy úshin yńǵaıly alańdar quryldy.
ıta keterligi, Almatynyń 200-den astam memlekettik mektebinde jańa formattaǵy kitaphanalar jumys isteıdi. Jóndeý jumystaryn júrgizý barysynda barlyǵy 100% qamtylady.

«Mektep jańa oqý jylyna tolyq daıyn. Barlyq oqýshylar oqýlyqtarmen qamtamasyz etilgen. Balalardy qabyldaýǵa 66 oqý synyby, 150 oryndyq zamanaýı ashana jáne 2 sport zaly, zerthanalyq kabınetter ázirlendi. Mektepte barlyǵy 2200 bala oqıdy. Ǵımarat ishindegi jáne irgeles aýmaqtyń perımetri boıynsha qaýipsizdik úshin 47 beınebaqylaý kamerasy jumys isteıdi», - dedi mektep-gımnazııa dırektory Aınur Nurymqyzy.
Mektepte ınklıýzıvti bilim berý qarastyrylǵan, psıhologııalyq-pedagogıkalyq súıemeldeý kabıneti ashyldy. Erekshe bilim berý qajettilikteri bar balalarmen pedagog-psıholog, arnaıy pedagog, logoped-muǵalim jáne 4 - pedagog assıstent mamandary jumys isteıdi. Múmkindigi shekteýli oqýshylar úshin lıft qarastyrylǵan.

Óz kezeginde, bilim basqarmasynyń basshysy Lázzat Jylqybaeva aldaǵy oqý jylyna daıyndyq 95% -dy quraıtynyn, birqatar mektep ǵımarattarynda seısmıkalyq kúsheıtý jumystary aıaqtalatynyn aıtty. Jumystar kestege sáıkes júrýde. Tamyz aıynyń sońyna qaraı 100% daıyndyq qamtamasyz etiledi.
Megapolıs ákimi akt zaly men ashanalarǵa baryp, mektep basshylyǵynyń balalardyń sapaly jáne teńgerimdi tamaqtanýynyń mańyzdylyǵyna nazaryn aýdardy.
Eske salsaq, Memleket basshysynyń tapsyrmasyn oryndaý aıasynda Almatyda 1-4 synyp oqýshylary, sondaı-aq az qamtylǵan otbasylardan shyqqan barlyq oqýshylar oqý synybyna qaramastan tegin tamaqpen qamtamasyz etilgen.
Mektepti aralaǵan Erbolat Dosaev jumys saparynyń qorytyndysy boıynsha balalardy oqytý úshin barynsha jaıly jaǵdaı jasaýǵa qatysty jumysty jalǵastyrýdy tapsyrdy, sondaı-aq qaýipsizdikti qamtamasyz etý úshin baqylaýdy kúsheıtý, onyń ishinde týrnıketter júıesin engizý jóninde birqatar tapsyrma berdi.