Almaty mektepteri dástúrli formatqa oqýǵa daıyn - bilim basqarmasy
Onyń aıtýynsha, megapolıstegi barlyq mektep qyzmetkerleri 100 paıyz vaktsına aldy.
«Vaktsına saldyrýǵa qarsy kórsetilimi bar qyzmetkerlerden basqa, memlekettik bilim berý uıymdarynyń barlyq qyzmetkerleri 100% vaktsına aldy», - dedi basqarma basshysy.
Sonymen qatar, ol bilim berý uıymdary «Ashyq» jobasyna qosylǵanyn jetkizdi.
«Qazirgi ýaqytta koronavırýs ınfektsııanyń taralýynyń aldyn alý maqsatynda qalanyń bilim berý uıymdarynda osy oqý jylynda shekteýlerdi saqtaı otyryp, 1-den 11-synypqa deıingi mektep oqýshylaryn oqytýdyń dástúrli formatyna kóshýge daıyn. Atap aıtar bolsaq, barlyq bilim berý uıymdary «Ashyq» jobasyna qosylǵan»,- dedi spıker
Basqarma basshysy oqýshy aýyrǵan jaǵdaıda synyp qashyqtyqtan oqytýǵa jiberiletinin jetkizdi.
«Naýqas nemese baılanysta bolǵan ata-analardyń balalary qashyqtyqtan bilim alady. Sonymen qatar, kabınetter synypqa bekitilgen (bir synyp – bir kabınet). Bastaýysh, orta jáne joǵary býyn balalary úshin mektepke jeke kirý esikteri qamtamasyz etiledi (balalardy áleýmettik qashyqtyqty saqtaý maqsatynda mektepke ártúrli kireberisterden jiberetin bolady), sondaı-aq ǵımarat ishinde balalar foıe men dálizderde belgileri kórsetilgen bloktar boıynsha júretin bolady»,-dedi ol.