Almaty mańyndaǵy ushaq apaty: kottedj ıesine ótemaqy tólene me

ALMATY. QazAqparat - Bek Air áýe kompanııasy kottedj ıesine tıisti qujattardy usynǵan jaǵdaıda ótemaqy tóleıdi. Bul týraly kompanııa basshysy Nurlan Jumasultanov málimdedi, dep habarlaıdy QazAqparat tilshisi.

Nurlan Jumasultanovtyń aıtýynsha, eger bul qurylys bolmaǵanda jolaýshylar aman qalar edi.

«Sizder túsinińizder, mundaı jaǵdaıda ushaq shassısiz jáne qozǵaltqyshsyz qonýy ábden múmkin. Eger ushaq úıge soǵylmasa, onda ushaq aman qalar edi. Úıdiń qujaty bolýy kerek. Úı ıesi qujattardy usynýy qajet. Ol zańdy ma, joq pa», - dedi Bek Eır basshysy.

Eske salsaq, 27 jeltoqsanda Almatydan Nur-Sultan qalasyna ushyp shyqqan ushaq radardan joǵalyp ketti.

Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy.

Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty.

QR Prezıdenti Qasym-Jomart Toqaev ushaq apatyna kináliler zańǵa sáıkes qatań jazalanatynyn málimdedi.

Elbasy Nur-Sultan Nazarbaev jolaýshylar ushaǵynyń apatqa ushyraýyna baılanysty kóńil aıtty.