Almaty mańyndaǵy Pervomaıskıı toǵany aýdanynda órt shyqty

NUR-SULTAN. QazAqparat – Almaty mańyndaǵy Pervomaıskıı toǵany aýdanynda ornalasqan ónerkásiptik aımaqta qýraǵan aǵash órtendi, dep habarlaıdy QazAqparat tilshisi.

Almaty oblystyq tótenshe jaǵdaılar departamenti usynǵan derekke sáıkes, qýraǵan aǵashtyń órtenip jatqany týraly aqparat saǵat 13:33-te túsken.

«Órt shyqqan jerge Boraldaı aýylynyń №9 órt sóndirý bólimshesiniń 5 mamany men eki tehnıkasy, Ótegen batyr aýylynyń №8 órt sóndirý bólimshesiniń 6 mamany men eki tehnıkasy, Almaty qalasynyń №3 mamandandyrylǵan órt sóndirý jáne №19 bólimshesiniń 8 mamany men eki tehnıkasy jumyldyryldy. Saǵat 15:28-de órt oqshaýlandy», - dep atap ótti oblystyq departamentten.

Aıta ketsek, Almatydaǵy kóterme saýda dúńgirshekteri otqa oranyp, órt sóndirýshiler 25 mınýttyń ishinde qyzyl jalynnyń odan ary taralýyna jol bermegen edi.

Sondaı-aq, Almatydaǵy «Saýdakent» bazarynan da órt shyqqanyn habarlaǵan bolatynbyz.