Almaty mańyndaǵy áýe apaty: Aýrýhanada 9 adam jatyr

ALMATY. QazAqparat – Almaty dárigerleri áýe apatynan zardap shekkenderdiń jaǵdaıy týraly aıtyp berdi, dep habarlaıdy QazAqparat tilshisi.

Ushaq apatynan jaraqat alǵan toǵyz adam Almaty statsıonarlarynda, Almaty kópbeıindik klınıkalyq aýrýhanasynda, Nur-Sultandaǵy travmatologııa jáne ortopedııa ǵylymı-zertteý ınstıtýtynda emdelýde.

«Búgingi kúni ortalyq klınıkalyq aýrýhanadan 2 adam, Almaty kópbeıindik klınıkalyq aýrýhanadan 1 adam, №4 qalalyq klınıkalyq aýrýhanadan 3 adam úıine shyǵaryldy. Qalǵan naýqastar men ekinshi ushqysh emdelýdi jalǵastyrýda. Olardyń jaǵdaıy turaqty», - dedi Almaty qalalyq qoǵamdyq densaýlyq saqtaý basqarma basshysynyń orynbasary Ásel Beısenbaeva.

Aıta keteıik, áýe apatynyń nátıjesinde 69 jolaýshy zardap shekken, onyń ishinde 9-y bala.

Eske salaıyq, 2019 jyldyń 27 jeltoqsanynda Almatydan Nur-Sultan qalasyna ushyp shyqqan 93 jolaýshy jáne 5 ekıpaj múshesi mingen ushaq apatqa ushyraǵan bolatyn. 12 adam qaza tapty.

Keıin Almaty áýejaıy «Bek Air» ushaǵynyń qulaý ýaqytynyń hronologııasyn jarııalady.