Almaty mańynda shopan qarý-jaraq jasyrylǵan jerdi tapty

ALMATY. QazAqparat – Almaty mańynda shopan qarý-jaraq pen arnaıy oq-dáriler jasyrylǵan jerdi taýyp aldy, dep habarlaıdy QazAqparat tilshisi.

Alataý aýdandyq polıtsııa basqarmasynyń qyzmetkerleri áskerı oq ótkizbeıtin keýdeshe, kaska, travmatıkalyq tapansha men ondaǵan patron tapty.

«Bizdiń bólimshege Ý. esimdi azamat habarlasyp, «Darhan» yqshamaýdanyndaǵy saıda mal baǵyp júrgen kezinde qarý-jaraq arsenalyn taýyp alǵanyn aıtty. Aqparat rastaldy. Jedel tergeý toby kaska, oq ótkizbeıtin keýdeshe, Kalashnıkov avtomatynan patronsalǵysh, 7,62 mm kalıbrli 20 patron, «Beretta» travmatıkalyq tapanshasy, rezeńke taıaqshalar, «Makarov» tapanshasynan 19 patron jáne belgisiz travmatıkalyq tapansha tapty» , – dedi Alataý aýdandyq polıtsııa basqarmasynyń bastyǵy Іlııas Ómirserikov.

Onyń aıtýynsha, tabylǵan arsenaldyń menshik quqyǵy men qaıdan alynǵany odan arǵy tekserý barysynda anyqtalady.

«Arsenaldy jasyrǵan tulǵalar anyqtalyp, jaýapqa tartylady»,- dedi ol