Almaty mańynda halyqaralyq avıatsııalyq hab qurylady
11:29, 06 Qańtar 2016
ASTANA. QazAqparat - Almaty mańynda halyqaralyq avıatsııalyq hab qurylady.
Bul týraly «Ult jospary - qazaqstandyq armanǵa bastaıtyn jol» maqalasynda Memleket basshysy Nursultan Nazarbaev málim etti.
«Azamattyq avıatsııa salasynda áýe tasymaldary, eń aldymen, otandyq tasymaldaýshylardyń tranzıttik áleýeti maqsatty túrde ulǵaıtylatyn bolady. Áýe tasymaldarynyń rentabeldiligin arttyrý úshin Almaty mańynda halyqaralyq avıatsııalyq hab qurylady», - dep atap ótti Elbasy.
Sondaı-aq, Prezıdenttiń habarlaýynsha, Astananyń álemdik deńgeıdegi qarjy ortalyǵy retinde qalyptasýy úshin 2019 jylǵa deıin Tokıo, Sıngapýr jáne Gonkong sııaqty jetekshi qarjy ortalyqtarymen jańa halyqaralyq baǵyttar ashylatyn bolady.